غزہ بھوک سے مر رہا ہے۔ ایس ڈی پی آئی کا اسرائیلی محاصرہ ختم کرنے کا مطالبہ
19نئی دہلی۔(پریس ریلیز)۔سوشیل ڈیموکریٹک پارٹی آف انڈیا
جنوری 2025 کے جنگ بندی کے خاتمے کے بعد سے شدت اختیار کر کے غزہ کے لوگوں کے خلاف اسرائیل کی طرف سے کیے جانے والے مسلسل اور سنگین مظالم کی بھرپور مذمت کرتی ہے۔اس ضمن میں ایس ڈی پی آئی کے قومی نائب صدر محمد شفیع نے اپنے جاری کردہ اخباری بیان میں کہا ہے کہ 2 مارچ 2025 کو لگائی گئی تقریباً کل ناکہ بندی نے تقریباً 20 لاکھ سے زائد فلسطینیوں کو بھوک کا شکار کر دیا ہے، جس کے نتیجے میں 57 افراد بھوک سے ہلاک ہو چکے ہیں اور 290,000 بچوں کو فاقہ کشی کا خطرہ لاحق ہے، یہ بین الاقوامی انسانی قانون کی واضح خلاف ورزی اور ممکنہ جنگی جرم ہے۔ اسرائیلی فضائی حملے اور زمینی کارروائیاں، بشمول ہسپتالوں، اسکولوں، اور نقل مکانی کرنے والی پناہ گاہوں پر حملے — جیسے کہ مئی 16 تا -20، 2025، حملے ہیں۔ روزانہ کے حملے سے تقریباً 87 تا 146 فلسطینی ہلاک ہوئے ہیں اور غزہ سٹی پناہ گاہوں پر حملہ میں 22 افراد ہلاک ہوئے ہیں۔ جس سے شہریوں کی زندگیوں کی صریح بے توقیری ظاہر ہوتی ہے۔ جبری نقل مکانی اور اسرائیلی حکام کے بیانات کے ساتھ مل کر غزہ کے 70 فیصد حصے کو ”نو گو زون” قرار دینا نسلی تطہیر کے سنگین خدشات کو جنم دیتا ہے۔
ایس ڈی پی آئی فلسطینی عوام کے ساتھ غیر متزلزل یکجہتی کے ساتھ کھڑا ہے، جو بے مثال پیمانے کی انسانی تباہی کو برداشت کر رہے ہیں، جس میں مسلسل بمباری، فاقہ کشی سے غزہ کے 90 فیصد انفراسٹرکچر کی تباہی ہوئی ہے۔ 13 مئی 2025 کو خان??یونس ہسپتال کی مکمل تباہی اور شمالی غزہ میں آپریشنل ہسپتالوں کا مکمل طور پر تباہی جیسے شہری انفراسٹرکچر کو نشانہ بنانا بین الاقوامی قانون میں درج امتیاز اور تناسب کے اصولوں کی خلاف ورزی کرتا ہے۔ہم غزہ پر اسرائیل کی جنگ کے فوری اور مستقل خاتمے، غیر انسانی ناکہ بندی کے خاتمے اور مزید بھوک اور جانوں کے ضیاع کو روکنے کے لیے انسانی امداد کے لیے غیر محدود رسائی کا مطالبہ کرتے ہیں۔ اقوام متحدہ اور بااثر طاقتوں سمیت عالمی برادری کو جنگ بندی کو نافذ کرنا چاہیے، اسرائیل کو اس کے اقدامات کا جوابدہ ٹھہرانا چاہیے اور فلسطینی عوام کے لیے انصاف کو یقینی بنانا چاہیے۔ یہ مظالم، جن سے خطے کو مزید عدم استحکام کا خطرہ ہے، کو مربوط عالمی کارروائی کے ذریعے روکنا چاہیے۔ایس ڈی پی آئی فلسطینیوں کی زندگیوں کے تحفظ، ان کے حق خوددااریت کو برقرار رکھنے اور انسانی حقوق اور بین الاقوامی قانون میں منصفانہ امن کو فروغ دینے کے لیے عالمی یکجہتی کا مطالبہ کرتی ہے۔
